Hele ng Ina sa Kaniyang Panganay

Sabado, November 24, 2018

HELE NG INA SA KANIYANG PANGANAY

Hele ng Ina sa Kaniyang Panganay

A Song of a Mother to Her Firstborn salin sa Ingles ni Jack H. Driberg

Isinalin sa Filipino ni Mary Grace A. Tabora

  PAGKILALA SA MAY AKDA

       Si Jack H. Driberg ay naging parte ng Uganda Protectorate noong 1912 at nagsilbi sa Anglo-Egyptian Sudan. Isinulat niya ang The Lango: A Nilotic Tribe of Uganda noong 1923. Habang nasa Uganda Protectorate, siya ay namuhay kasama ng mga Langi sa Uganda at naisulat niya ang The Lango: A Nilotic Tribe of Uganda. Ito ay tungkol sa Etnograpiya patungkol sa mga Langi kagaya lamang ng mga diksyonaro, pabula at iba pa.

      
        Ang nag udyok sakanya upang isulat ito ay ang kaniyang magagandang karanasan habang naroon sa lugar na iyon. Ang kaniyang mga karanasan ang naging inspirasyon upang maisulat ang “The Lango: A Nilotic Tribe of Uganda.


 URI NG PANITIKAN
 
        Ipinakikita sa tula ang isang tula na isinasagawa sa bagong sila na sanggol ang tula na ito ay nag mula sa isang tribo na napuntahan ng may akda. Ang tula mayroong malayang taludturan. Gumamit ng kultura ang manunulat kung saan ang mga kababaihan noon sa tribong Lango o Didinga ng Uganda ay lumikha ng mga tula na kanilang inaawit. Ito ay mga matatamis at magigiliw na pananalita. Inuulit-ulit ito pampaamo sa anak at para ipahayag ang pagmamahal ng isang ina para sa kaniyang anak. Nakaugalian na ito ng mga kababaihan, naniniwalang ang kanilang mga anak o supling ay tila imortalidad ng kanilang mga magulang.


        Ang paggamit ng angkop at matatalinhagang salita ay nakatulong din sa pagpapaganda ng tula. Ito ay nakakapukaw ng damdamin ng mambabasa . Nakapupukaw ito dahil dito natin nakikita kung paano pinahahalagahan ng bawat ina ang kanilang mga anak, nakikita rin kung gaano nila ka-mahal ang kanilang mga anak.


 LAYUNIN NG AKDA

       Isa sa layunin nito ay ang makita ng mundo ang tradisyon o kultura sa isang bansa katulad ng ginawa ng may akda. Ang akda ay nagpapakita ng pagpapahalaga ng isang ina sa kanyang anak at ang wagas na pagmamahal at kahalagahan ng buhay ng isang tao mga ekspektasyon at hinahangad ng kani kanilang magulang.


 PAGLALAPAT NG TEORYANG PAMPANITIKAN
       
        Mailalapat ang TEORYANG KLASISMO sa tula. Ito ay naghahayag na ang isang akda ay hindi naluluma o nalalaos sapagkat ito ay may bisa sa pagyayabong ng kaisipan ng tao. Kaya Klasismo sapagkat iyong tula na iyon lumipas man ang panahon hindi makakalimutan sapagkat hindi kumukupas ang pagmamahal ng isang ina sa kanyang anak katulad ng nasa tula at maraming ina na nangangarap sa kanyang anak na katulad ng tula na ito. Malaking tulong din ito sa mga magulang puwede itong maging gabay sa buhay sa pagpapalaki ng kanilang anak at pagiging ina sa isang anak.
 


       Maari ding mailapat ang TEORYANG HUMANISMO at TEORYANG REALISMO. Humanismo sapagkat naipapakita na tao ang sentro ng tula na ito. Realismo sapagkat naoagiiwanan na ang mga tribong ganito dahil sa mga kultura at tradisyon nila, ngunit wala tayong magagawa roon sapagkat ito ang kanilang paniniwala , kultura , tradisyon.


 TEMA O PAKSA NG AKDA
     
        Ang tema ng tula ay ang mga sumusunod: pagpapahalaga sa anak, wagas na pagmamahal ng ina, kultura ng isang lugar, paano nabubuhay ang isang tribo, pagsasakripisyo ng mga magulang sa anak at ang kagandahan ng kultura sa bawat bansa.


MGA TAUHAN/ KARAKTER SA AKDA

       Ginamit ng may akda ang unang panauhan upang mas maintindihan at maramdaman ng mga mambabasa ang damdamin ng persona at pahalagahan ang pagmamahal at sakripisyo ng isang ina.

Naging makulay at malikhain ang paglalarawan ng tauhan sa tula.Naging masining ang pagpapakilala sa tauhan dahil ito ay makatotohanan

 TAGPUAN/PANAHON
      
       Nasabi sa tula na sa paglalakbay ng may akda sa Lango siya ay naimpluwensiyahan mula sa kanyang mga karanasan dito at masasabing ang tagpuan ay makatotohanan. Nakita sa tula ang iba't ibang kultura ng isang tribo na mas nakatulong upang mas maintindihan ng mambabasa ang panahon at tagpuan ng tula


 NILALAMAN O BALANGKAS NG MGA PANGYAYARI

        Kapag binasa mo ang tula, mapapansin mo agad ang aruga at pagmamahal ng isang ina sa kaniyang anak. Kapag sinuri mo pa ito mapapagtanto mo na hindi lamang ito isang tula upang awitin ng ina para sa kaniyang anak mapapansin mo na  ito ay tula na inaawit upang maipahayag ang mga nais, buong pusong pagmamahal, pagpapahalaga, sakripisyong kayang ibigay ng magulang at pagpapaamo ng Ina sa kaniyang anak.
        
         Ang mga pangyayari sa tula ay makatotohanan sapagkat, ito ay tunay na karanasan ng may akda. Ito ay kultura at tradisyon ng isang tribo sa Africa na napuntahan ng manunulat. Isinasagawa ito ng isang Ina upang mabigyang halaga ang bawat aspeto ng buhay ng kaniyang anak na bagong silang.





 MGA KAISIPAN O IDEYANG TAGLAY NG AKDA

        -Ang kahalagahan ng isang tao o bagay ay napagtatanto lamang kapag nawala na ito kaya dapat pahalagahan malaki man o maliit bata o matanda.
        -Lahat ng bagay nagsisimula sa paghihirap bago makamit ang tagumpay parang sa buhay walang madaling daan kailangan daanan lahat ng pagsubok upang makamit ang tagumpay sa pamamagitan ng tamang daan.
        -Dapat laging tandaan na kung wala ang ating mga magulang wala din tayo sa mundong ito kaya dapat silang pahalagahan sa kabila ng kanilang paghihirap at pag pagtitiyaga upang mapalaki tayo ang maisusukli na lang natin ay pagmamahal.
        -Dapat laging tandaan na kung wala ang ating mga magulang wala din tayo sa mundong ito kaya dapat silang pahalagahan sa kabila ng kanilang paghihirap at pag pagtitiyaga upang mapalaki tayo ang maisusukli na lang natin ay pagmamahal.

 ESTILO

       Habang binabasa ang tula tila malalalim na salita ang iyong naririnig sa bawat kataga . Ngunit dahil mahusay ang paggamit ng kakaibang estilo ito ay naging mas kaaliw aliw basahin at mas madaling intidihin ng mga mambabasa. Malikhain ang pagsasalaysay ng may akda dahil ginamitan niya ito ng paglalarawan  at mas madaling unawain ang mga salitang ginamit. Gumamit siya ng iba’t ibang simbolo upang mas maipahayag ang nais niyang maunawan ng mga mambabasa.





 BUOD
        
         Ang tula ay tungkol sa pagmamahal ng isang ina sa kaniyang anak. Ipinakikita dito na napakahalaga ang maingat na pagpili sa pangalan sa isang anak ng isang miyembro ng isang tribo. Nagpapakita rin ito ng mga pangarap ng isang ina para sa kaniyang anak, panghuhula nito sa magandang kinabukasan at ang maaaring positibong dulot nito sa kaniyang mga magulang.